Фиренца и Болоња 06.12/ 3 ноќи / 477 евра

сега од 477 EUR

Поаѓање: 06.12.2024

Враќање:09.12.2024

Фиренца е главен град на прекрасниот италијански регион – Тоскана, централна Италија. Се наоѓа на околу 230 километри од Рим, и е опкружен со прекрасни заоблени ридови, фарми, лозја, овоштарници но и прекрасни архитектонски градби… Фиренца е неизмерно популарна дестинација за одмор поради нејзината убавина, уникатна архитектура како и за познатата италјанска храна. Историскиот аспект на Фиренца привлекува многу патници секоја година за да го истражат нејзиното интересно минато. Академиците веруваат дека Фиренца била родното место на европската ренесанса. Центарот на градот во Фиренца е прогласен за светско наследство на УНЕСКО, бидејќи е дом на изобилство на историски и монументални градби стари стотици години.

Што е вклучено во цената

Во цената е вклучено :

– Авио билет Скопје – Болоња – Скопје

– Аеродромски такси

– Рачен багаж

– Трансфер аеродром – хотел – аеродром

– 3 ноќевања со појадок во Hotel Arcadia 3*, во центарот на Фиренца

– Посета на Болоња

– Претставник од агенција

Што не е вклучено во цената

Во цената НЕ е вклучено:

– Разглед на Фиренца со локален водич – 20 €

– Факултативна посета на Сиена и Сан Џимињано – 80 €

– Факултативна посета на Пиза – 45 €

– Туристичка такса – 6€ по лице од ноќ (се плаќа во хотел)

– Здравствено осигурување

– Чекиран багаж

– Влезници за локалитети и карти за јавен превоз

– Индивидуални трошоци

План и програма

1 ден – Скопје – Болоња – Фиренца (06.12.2024)

Состанок на групата 2 часа пред полетување, на аеродром Александар Велики во Скопје. Лет за Болоња во 13:05 ч., слетување во Болоња во 15:00 ч. Организиран трансфер до хотел во Фиренца. Сместување во хотел. По краток одмор следува првата прошетка во главниот град и срцето на регионот Тоскана – Фиренца, еден од најпосетените градови во светот, со огромно историско, културно, образовно и уметничко значење. Фиренца која се смета за колевка на ренесансата, во која живееле и твореле многу уметници од XV и XVI век. како Леонардо, Микеланџело, Брунeлески, Ботичели, Рафаел… Ноќевање.

2 ден – Фиренца (07.12.2024)

Појадок. По појадокот следува пешачки разглед на прекрасната Фиренца (факултативно, со доплата). Градот својот подем го доживува за време на моќната Фамилијата Медичи кои владееле од XIV- XVII век, познати како големи мецени на уметноста и културата. Разглед на градот со локален водич: Палатата Векио, Катедралата Дел Фиори, Крстилницата Сан Џовани, Плоштадот Сињори, Галеријата УФИЦИ, Мостот Понте Векио, Црквата Санта Кроче, Палатата Пити. Следува пауза за ручек, да пробате некој традиционален фирентински специјалитет, надополнет со одлично вино и секако за крај најпознатиот десерт cantuccini- класични тоскански колачи со бадеми. Во попладневните часови следува факултативен излет до Пиза. Најголемата атракција во Пиза е секако полето на чудата каде се наоѓаат: катедралата (Cattedrale di Pisa), гробиштата на Светците (Campo Santo) и кривата кула од Пиза (Torre di Pisa) висока 56 метри, која е всушност камбанаријата на катедралата. Кулата секако била планирана да стои исправено но поради слабата почва како и лошите темели се накривила. Но баш таа ненамерна гречка е причината што кулата има светска прочуеност и привлекува стотици илјади туристи годишно. Во договорено време враќање назад во Фиренца. Ноќевање.

3 ден – Фиренца – Сан Џимињано – Сиена (08.12.2024)

Појадок. По појадокот се упатуваме на целодневен излет во живописните градови Сиена и Сан Џимињано. Пристигнување во Сиена – град со средновековен изглед, опколен со ѕидини од 16 век. Ќе прошетаме по еден од најубавите европски средновековни плоштади Ил Кампо во форма на школка, еден од најубавите плоштади во Европа каде доминира Градската Палата со високата кула, Катедралата со богата мозаична декорација… Во договорено време се упатуваме кон Сан Џимињано. Овој мал типичен град е познат по виновите насади и големи површини покриени со маслинови градини. Заклучокот е јасен дека градот е најпознат по убавите вина и маслинови масла. Кратка прошетка во градот каде ќе може да пробате или купите некое вино, маслиново масло или едноставно да одморите со кафе и вкусно џелато (сладолед). Во договорено време се враќаме назад во хотел. Ноќевање.

4 ден – Фиренца – Болоња – Скопје (09.12.2024)

Појадок. По појадокот се упатуваме кон Болоња, град најпознат по карактеристичните специјалитети од италјанската кујна но и по најстариот универзитет во Европа. Ќе прошетаме низ стариот дел од градот, препознатлив по бројните средновековни кули и плочници во форма на аркади по должината на поголемите улици, а со посебна убавина плени најубавата градска фонтана, Фонтаната на Нептун… Во договорено време сe упатуваме кон аеродромот во Болоња. Полетување за Скопје во 13:30 ч. Слетување во 17:15 ч.

Сместување

Хотел ARCADIA 3*

Хотелот се наоѓа во срцето на Фиренца, повеќе податоци на следниот линк: https://www.hotelarcadiaflorence.com/

Важно

Напомена : Пријавување на факултативни излети во агенција. За реализација на истите е потребно минимум 16 пријавени патници !!

ОПШТИ НАПОМЕНИ:

Организатор на аранжманот е ТА Ескејп Травел
Резервација се прави со уплата на 30% од вкупнот износ на аранжманот
Целосна уплата на аранжманот е 15 дена пред почетокот на истиот
Цените на аранжманот се дадени во евра за уплата во денарска противвредност по курс 1 евро = 62 мкд
За реализација на аранжманот се потребни минимум пријавени 20 патника
За ова патување мора да имате пасош кој има важност од минимум 90 дена по завршувањето на аранжманот
Организаторот го задржува правото да ја промени цената на аранжманот во случај на промена на цената на превозот или хотелот
Во случај на недоволен број на пријавени патници организаторот го задржува правото да го откаже во целост аранжманот 5 дена пред датумот на започнување на истиот
Организаторот го задржува правото за промена на цените на факултативните излети, во случај на промена на цената на влезниците на локалитетите и музеите
За време на разгледите на градовите наведени во програмата не се предвидени посети на внатрешноста на јавните згради, институции или културни споменици, освен ако тоа не е посебно нагласено во програмата.
Организаторт го задржува правото за промена на редоследот на реализација на програмата.
Организаторот на патувањето го задржува правото за промена на програмата за патување во случај на непредвидени објективни причини, како на пр: застој на граница, доцнење на летот, застој во сообраќајот, затвореност на некој од локалитетите предвиден за посета и сл.